عرض مشاركة واحدة
  رقم المشاركة : ( 1 )  
قديم 02-22-2008, 04:31 PM
الصورة الرمزية el-pais
 
el-pais
موقوف

 الأوسمة و جوائز
 بينات الاتصال بالعضو
 اخر مواضيع العضو
  el-pais غير متواجد حالياً  
الملف الشخصي
رقــم العضويـــة : 1826
تـاريخ التسجيـل : Aug 2007
الــــــــجنــــــس :
الـــــدولـــــــــــة : في عمق البحر
المشاركـــــــات : 978 [+]
عدد الـــنقــــــاط : 12
قوة التـرشيــــح : el-pais is on a distinguished road
افتراضي إييييييييييييه أدخل وسمع قصتي في عيادة الطبيب

يا إخوتي في الله بعد معاناتي التي عانيتها والله كنت حاب نكتب موضوع هدا ونحكيلكم فيه شويا خبار عجب المعجبة

يوم الخميس البارحة رحت عند الطبيب أنا وأمي يحسراه مين كنت نروح وحدي لكن الله غالب المرض أتر عليا أه إلتقيت هناك في العيادة بصديق لي كان يدرس معي قال لي واش صهيب قتلوا الله غالب ياخويا ربي راه يسير فيها قالي ربي يجيب شيفا قتلوا امين يا ربي لما جلست أنا وامي على الكرسي بدأت النسوة في الحكايات ريتما يأتي دور كل واحدة أو كل واحد بعد 10دقائق دخلت إمرأة والله يا إخوتي صدقوني في وجهها وشام وهادا مانكره قلتلها أرواحي ريحي هنايا بجانب أمي وأنا جلست على الأرض والله مانجمتش أه بداو النسوة في الهدرة وحدة راني كدا والاخرى كدا أنا راجلي راه ..... وأنا نستنى في دوري متى ؟؟ دخل رجل مع طفلة صغيرة فقال لنا يا ناس بنتي راهي مريضة خلوني نفوت جاه ربي والله نطقله واحد واش يقولوا كيفك كي ناس رغم أن هدا الشخص دوره مازال فقلت له نعم يا بويا تفضل أنا والله من أجل الطفلة فهي صغيرة لا تتحمل وشفتني قلتلهم ماعليش خلوه قالي دلك الرجل خليه في مكانك ناس راهي تقارع نتايا واعر قتلوا يا اخي صلي على النبي هادي طفلة لكان رجل أخر عادي ؟قالي أنا قدامك إيمالا قتلوا صحا تفضل أمي قاتلي سكت جلست والله يا إخوتي المرأة التي في وجهها الوشام قالت للرجل الدي يحمل الطفلة مابها قال لها أذنها تألمها قاتلوا يا ولدي أعطيني زيارة ونوريك دواء مليح أعطاها 100دجقاتلوا يا ولدي هناك دودة سمتها شحمت الأرض دوبها وقطرهالها في ودنها تبرى قلتلها بإدن الله قاتلي هادي باينة قلتلها لالا قوليها ...
أه جلست مع أمي وأنا متركز على أمي قالتلها نتيا مهمومة وهمك كبير راك وحدانية ومولا الخيمة راح أعرف أن أمي لما تتدكر أبي تبكي قلتلها راكي غالطة عندها ربي لأنني مانحبش الهدرة هادي قتلها مالكي واش راه بيك فهي لا تعرف بأن أمي راهي حابة تفوت عليا قاتلها ولدي راه مريض وراني جايبته ماله قاتلها ماراه لاياكل سألتني تلك المرأة فقالت لي مالك يا ولدي فقلت لها انت تتكلمين معي؟ قاتلي نعم قلتلها أنا أمي هادي ضحكت أنا والله لا أحب متل هؤلاء النسوة لأني لاحظت في قفتها التي معها تعرف الحديدة التي تأتي في رجل الحصان عرفت أنها شوافة في وجها عرفتها قتلي كيراك تحس قلتلها فشلان كنت اريد ان اسخر منها قليلا لكن لو قلت لها راني مليح أكدب أمي ويظنونها كادبة قاتلي تجي عندي قلتلها وين قاتلي في داري قلتلهاوعلاش نجي عندك قاتلي نداويك شرط جيبلي الفيجل والسانوج ولاداد اه قلتلها نتايا خير من طبيب ولا كيفاش قاتلي ارواح تعرفني غايا قالت لأمي ولدك متعصب بزاف وكان يبغي باباه بزاف وبدات تفتي على أمي وأمي تبكي عندما يدكرون أبي أمامها قلت لها يا إمرأة خليتك تريحي راكي تفتي وتكدبي عليا قلتلها نتيا واش راكي جايا ديري هنايا سكتت وانا عارف بلي راهيجايا كاش ما تنافيغي على روحها قلت لها نتيا شوافا قاتلي نعم قلتلها هل السماء غدا ممطرة أم الحال صاحي ؟قاتلي بلي ربي العالم قلتلها ماشي قلتيلي بلي نشوف ضحكت قليلا وقالت لي ارواح عندي غدوة هاوين نسكن قلت لها مانجي عندك ماتجي عندي وربي يهديك قلت لها السبحة واش ديري بيها قاتلي مادخلش روحك والله صدقوني يا إخوتي قاتلي ربي يجيبلك كدا وكدا وبدأت في الدعاء علي قالت النسوة يالاطيف مالها هادي خرج الطبيب وطردها
والله يا إخوتي أعرف ونصفهم يدهبون عند العرافات وأقسم بالله
أمر غريب ان يدهبون عند عرافة وتصديقها بعض الناس لا يأمنون بقدر الله تعالى اللهم هدنا يا أرحم الراحمين يارب العالمين .
تعرون شوكة لو تألم أي شخص فقولوا الحمد لله لأني والله ماأحسست به في تلك الأيام التي مرت علي عجيبة عجيبة نقص وزني 7كيلو غرام إيييييييييييييييه يا دنيا
حسبي الله ونعم الوكيل ليس عليكم بل على ............

جزاكم الله خيرا أخوكم في الله صهيب

آخر تعديل بواسطة el-pais ، 02-22-2008 الساعة 04:41 PM
رد مع اقتباس