الموضوع: نداء انساني
عرض مشاركة واحدة
  رقم المشاركة : ( 1 )  
قديم 03-08-2008, 01:03 PM
 
rezgui
غالي على ششار

 الأوسمة و جوائز
 بينات الاتصال بالعضو
 اخر مواضيع العضو
  rezgui غير متواجد حالياً  
الملف الشخصي
رقــم العضويـــة : 2396
تـاريخ التسجيـل : Nov 2007
الــــــــجنــــــس :
الـــــدولـــــــــــة :
المشاركـــــــات : 346 [+]
عدد الـــنقــــــاط : 11
قوة التـرشيــــح : rezgui is on a distinguished road
نداء انساني


لوسمحت يا جماعة انتم شايفين الفقر عامل ازاى الايام دى وغلاء المعيشة وفى ناس مش لاقية تاكل ولا تشترى عيش لاولادها فانا بطلب منكم طلب ومش حيكلف حاجة خالص الطلب هو: ياريت كل واحد عنده بقايا عيش او اكل بايت عنده او اى نوع من انواع الاكل حيرميه فى ال**الة ياريت بدل ما يرمى البقايا دى فى ال**الة ياريت يحطها فى كيس بلاستيك صغير ويحط الكيس الصغير ده جوه كيس ال**الة ويرمى ال**الة عادى فى ناس حتقولى ليه كل ده انا زمان كنت بشوف الناس بتلم الاكل من ال**الة افتكرتهم بيلموه عشان طيور بيربوها او كده بس دلوقتى انا شفت بعينى ومش بكدب شفت بعينى ناس بتفتش فى ال**الة على اكل واى اكل بيلاقوه بياكلوه على طول حاسين بقول ايه ناس بتاكل من ال**الة مباشرة زى القطط والكلاب (وانا اسف فى التشبيه) بس ارجوكم تخيلوا الصورة.فمش لازم وهما بيدوروا على الاكل نعذبهم اكتر ونرميه فى وسط القاذورات والفضلات.فاتوسل اليكم كل واحد عنده اى بقايا طعام او اكل وحيرميه فياريت يحطه فى كيس صغير جوا كيس ال**الة وحتى لو حبة رز بايت او عيش ناشف او اى بقايا طعام انتا بتكرهه فى غيرك محتاجه.فى ناس حتقولى ياعم هو احنا لاقيين ناكل احنا فقراء زيهم بس انا حقول لو انتا فقير اعرف انك بالنسبة للى بيمد ايده فى ال**الة انتا ملك بالنسبة له ومعتقدش ان اى حد فينا حيقبل يمد ايده فى ال**الة وياكل منها مباشرة الا لو هو خلاص حيموت من الجوع وبعدين انا مش بطلب من اى حد انه يحط فرخة مشوية جوه الكيس الصغير ويحط الكيس الصغير جوه كيس ال**الة الكبير لا انا بطلب منكم جميعا سواء فقير او غنى مسلم ولا مسيحى انكم تحطوا بقايا اكلكم اللى كده كده حيترمى فى ال**الة بقايا عيش او بقايا سمك او عظم وجلد فراخ او مكرونة بايتة عندك اى حاجة مهما كانت حطها فى الكيس الصغير والغلابة حياكلوها ومتقولش فى حد حياكل العك والقرف والاكل المخلوط على بعضه ده حقولك والله فى ناس محتاجه.فارجوكم واتوسل اليكم ناخد الموضوع ده بجديةومحدش يتريق على كلامى لانى مش كاتب رقم تليفونى وبقولكم انا بلم تبرعات ولا حد يدينى اكل واوزع عالفقراء لا انا بس عايزنا نتكافل بالقليل وطبعا اللى يقدر يطلع الكتير ربنا يوفقه ويطلع.انا طولت عليكم واسف جدا بس ياريت تنشروا الموضوع ده لاصحابكم واهاليكم ومعارفكم وحتى للناس اللى مبتدخلش نت عرفوا كل الناس الطريقة دى وربنا يوفقنا جميعا وشكرا
اتمني المناقشة و ابداء الراي منقول
رد مع اقتباس